खतराया पूर्व सुचं बीपिं नं आन्दोलनय्

येँ (सन्ध्या टाइम्स)/खुसिबाःया खतरा बारे पूर्व जानकारी बीत खुसि सिथय् च्वनाः खुसिया सतह मापन याइपिं कर्मचारीत नं आन्दोलनय् कुहां वःगु दु। जल तथा मौसम विज्ञान विभाग अन्तर्गत गेजरिडर, आबाकर्ता व चौकीदार पदय् ज्या यानाच्वंपिं कर्मचारीतय्सं वंगु भदौ ६ गतेनिसें थःपिनि सेवा सुविधा अप्वयेकेमाःगु माग यासें आन्दोलनय् याःगु खः। गेजरिडरं न्हिं ७० तका, चौकिदारं ५० तका व आवाकर्तां २५ तक पारिश्रमिक कयाच्वंगु खः। थुज्वःपिं कर्मचारी देय्न्यंकं याना ७०० म्ह दु ।