अग्नि एयरया ब्ल्याक बक्स लुइकल

छवाः न्ह्यः मकवानपुरया शिखरपुरया बस्तीपुरय् दुर्घटना जूगु अग्नि एयरया ब्ल्याक बक्स मंगलवाः सनिलय् लुइकूगु दु । विमान दुर्घटना जुयाः गाः वंगु थासय् ब्ल्याक बक्स लूगु खँ धाःगु दु । ब्ल्याक बक्स नापं ककपिट भ्वाइस रेकर्डर नं लुइकूगु दु ।

वंगु मंगलवाः विमान दुर्घटनाय् लानाः ३म्ह चालक दलया दुजःत नापं ११म्ह यात्रुत सीगु खः । गुकी ८म्ह नेपाःमि, ४म्ह अमेरिकी नागरिक व छम्ह-छम्ह जापानी व बेलायती नागरिक लाःगु खः ।