बहुमत खाके मफुपिं हे बाधक : खनाल

नेकपा (एमाले)या अध्यक्ष झलनाथ खनालं न्याक्वः तक नं प्रधानमन्त्रीया निंतिं बहुमत खाके मफिपं हे सरकार निर्माणया बाधक जूगु खँ धयादीगु दु ।

संसदीय मामिला पत्रकार समाजं सरकार निर्माण यायेगु ज्यां ताः ई काःगुलिं शान्ति व संविधान निर्माणय् बाधा जूगु खँया बारे ध्यानाकर्षण याकेत खनालया छेँ थ्यंकूगु पुचः नाप खँल्हाबंला यानादिसें निर्वाचनय् बहुमत खाके मफुसां अझ नं निर्वाचन याकाच्वंपिं माओवादी व कांग्रेस हे बाधक जूगु द्वपं बियादिल ।

एमालें सरकार निर्माणय् तटस्थ च्वनाः देय्यात अनिर्णयया बन्दी दयेकूगु खँ प्रति असहमति प्वंकादिसें खनालं सहमति याये चाहे मजूपिंसं हे देय्यात अनिर्णयया बन्दी दयेकाच्वंगु धयादिल । वय्लकं राष्ट्रिय सहमतिया सरकार गठन यायेमाःगु एमालेया अडान शान्ति व संविधानया सुनिश्चितताया निंतिं जूगु स्पष्ट यानादिल ।