आर्थिक विधेयक संसदय् पेश याइगु

मन्त्रिपरिषदया बैठकं आर्थिक विधेयक २०६७ व्यवस्थापिका संसदय् पेश यायेगु निर्णय याःगु दु । सोमवाः सनिलय् प्रधानमनत्री निवास बालुवाटारय् च्वंगु बैठकं उगु विधेयक पेश यायेगु निर्णय याःगु खः ।

अथेहे बैठकय् नेपाः स्थित राष्ट्र संघीय मिसन अनमिनया म्याद थप यायेगु वा मयायेगु बारे सहलह जूगु खः । तर बैठकं म्याद थप यायेगु वा मययोगु बारे छुं निर्णय धाःसा मयाः । अनमिनया बारे मन्त्रिपरिषदया मेगू बैठकं निर्णय याइगु खँ धाःगु दु ।

बैठकं खुन्हु न्ह्यः निसें मुने मफुगु येँया फोहोरया बारे नं सहलह यासें याकन स्वयां याकनं थुकीया समाधान मालेगु निर्णय याःगु दु ।