कन्हय् निसें येँया फोहोर मुनीगु
छवाः न्ह्यः निसें येँया सतकय् द्ववं चिनाच्वंगु फोहोर कन्हय् निसें मुनीगु जूगु दु । येँ महानगरपालिका फोहोर मैला व्यवस्थापन तथा स्रोत परिचालन केन्द्र व ओखरपौवाया आलेटारया बासिन्दा दथुइ सोमवाः जूगु वार्ताय् सहमति जुइवं कन्हय् निसें फोहोर मुनीगु जूगु खः ।
निगू पक्षय् दथुइ जूगु सहमतिलय् ओखरपौवाया दक्वं वडाया स्वंगू किलोमिटर पिच यायेगु, महानगरपालिकाय् चालीगु रोजगारीलय् डम्पिङ साइट क्षेत्रया बासिन्दायात प्राथमिकता बीगु लगायत खँत दुथ्याकातःगु दु ।
थ्वस्वयां न्ह्यः थौं सुथय् नेवाः स्वायत्त राज्य मंकाः संघर्ष समिति व नेवा जागरण मञ्चया छगू पुचः महानगरपालिकाय् डेलिगेशन वनाः फोहोरया समस्या समाधान यायेत माग यासें छगू ज्ञापन पौ लःल्हाःगु खः । नेवाःतय् डेलिगेशन लिपाः येँया दुनेया लागाय् थौं न्हिनय् निसें हे फोहोर मुनेगु ज्या सुरु जूगु खः ।
