राष्ट्रपतिया सहलह थौं नं जारी
येँ (सन्ध्या टाइम्स)/राष्ट्रपति डा. रामवरण यादवं थौं नं थीथी राजनीतिक दलया नेतातलिसे गतिरोध अन्त्यया निंतिं सहलह ब्याकीगु जूगु दु ।
वंगु शनिवाः ततःधंगु दल एकीकृत माओवादी, नेपाली कांग्रेस व एमालेया शीर्ष नेतातलिसे सहलह ब्याकेधुंकाः म्हिगः नं उकियात निरन्तरता बियादीगु खःसा थौं नं संवाद जारी यानादीगु ग्वसाः दु ।
राजनीतिक गतिरोधयात दलतय्सं हे अन्त्य यायेमाः धासें वय्कलं म्हिगः नेपाः राष्ट्रिय पार्टी, माले, राष्ट्रिय जनमोर्चा, नेकपा (एकीकृत), संयुक्त नापं थीथी दलया नेतातलिसे सहलह ब्याकादीगु खःसा थौं नेमकिपा लगायत मेगु थीथी दलया नेतातलिसे सहलह ब्याकादीगु ग्वसाः दु ।
राष्ट्रपति यादवं ततःधंगु दलतय्त सहमतिइ हयेगु नितिं चिचीधंगु दलया नेतातय्सं नं दबाब बीत इनाप यानादीगु खः ।
