कांग्रेस क्षेत्रीय प्रतिनिधिया हत्या
येँ (सन्ध्या टाइम्स)/नेपाली कांग्रेस रौतहट जिल्लाया क्षेत्रीय प्रतिनिधियात छथ्वः अज्ञात मनूतय्सं गोलीं कयेकाः स्याना बिउगु दु ।
रौतहटया देबाही गाविसय् छेँ दुम्ह कांग्रेसया क्षेत्रीय प्रतिनिधि बिलट राय यादबयात गोलीं कयेकाः स्याना बिउगु खः ।
४५ दँया यादवया अज्ञात मनूतय्सं वंगु चान्हय् १२ बजे गोलीं कयेकूगु खः। यादवयात न्हकुइ व ककुइ गोलीं लाःगु खः। गोलीं लायेवं वासः यायेत सदरमुकाम गौरपाखे यंकाच्वँच्वं लँय् हे यादव सीगु खः। यादव कांग्रेसया रौतहट जिल्लाया निर्वाचन क्षेत्र नं. ३ पाखें छुं न्हि न्ह्यः तिनि पार्टीया क्षेत्रीय प्रतिनिधि कथं निर्वाचित जूम्ह खः ।
यादव हत्या काण्डय् संलग्न जूगु द्वपनय् प्रहरीं वंगु चान्हय् हे निम्हेसित नियन्त्रणय् कायेधुंकूगु दु। अथे खःसां घटना सुनां व छाय् यात धइगु खँ धाःसा सीमदुनि। प्रहरीं थुकियात कयाः अनुसन्धान न्ह्याकूगु दु ।
