बसं ठक्कर नकाः प्रहरी सित

येँ (सन्ध्या टाइम्स)/दाङया भालुवान लागाय् सशस्त्र प्रहरी बलया प्रहरी जवान दिनेश चौधरी बसया ठक्करं सीगु दु। यात्रुत ज्वनावंगु छगः बसं भालुवाङ-लमहीया लँय् वंगु चान्हय् प्रहरी जवान चौधरीया ठक्कर नकूगु खः। बसया ठक्करं घाःपाः जूम्ह प्रहरी जवान चौधरीयात कोहलपुर मेडिकल कलेजय् यंकूगु खःसा अन हे वासः याकुयाकुं वयागु मृत्यु जूगु खँ प्रहरीं धाःगु दु। ठक्कर नकाः गाडी बिसिउँ वंगु दुसा उकिया नम्बर नं पत्ता लगे याये मफुगु खँ धाःगु दु ।