अनमिनया म्याद थप मयासाः आन्दोलन : वैद्य

एकीकृत नेकपा (माओवादी)या वरिष्ठ उपाध्यक्ष मोहन वैद्य 'किरणं' नेपाः स्थित राष्ट्र संघीय मिसन अनमिनया म्याद थप मयासाः आन्दोलन यायेगु ख्याच्वः बियादीगु दु ।

अखिल नेपाल लेखक संघं शनिवाः येँय् याःगु ज्याझ्वलय् न्ववानादिसें वैद्यं शान्ति प्रकृया पूमवंकं अमनिनयात लितछ्वये मज्यूगु धयादिल । वय्कलं अनमिनया म्याद थप मयासें शान्ति प्रकृयायात स्यंकेगु कुतः जुयाच्वंगु द्वपं नं बियादिल ।

वैद्यं छुं ई न्ह्यः निसें माओवादीयात प्यखेरं घेराबन्दी यायेत स्वयाच्वंगु धयादिसें यदि अज्याःगु घेराबन्दीया अन्त्य मयासाः देय्या सार्वभौकिता व जनताया स्वाभिमानया निंतिं आन्दोलन यायेगुया विकल्प मदुइगु धयादिल । माओवादीयात छखे लाकेत देशी विदेशी प्रतिकृयावादीतय्सं यानाच्वंगु कुतः छुं नं हालतं ताः मलाइगु दावी नं वय्कलं यानदिल ।