अनमिनं कार्यक्षेत्र पिहांवना ज्यायात : रक्षामन्त्री

रक्षामन्त्री विद्यादेवी भण्डारीं नेपाः स्थित राष्ट्रसंघीय मिसन अनिमनं कार्यक्षेत्र पिहांवनाः ज्या याःगु द्वपं बियादीगु दु । वय्कलं अनमिन माओवादीया प्रवक्ता जूगु धयादिसें शान्ति प्रकृयायात ग्वाहालि यायेत वःगु अनमिन कार्यक्षेत्र पिहांवना न्ववाना च्वंगु धयादिल ।

एमाले येँ जिल्ल कमिटीं शुक्रवाः ग्वसाःग्वःगु ज्याझ्वलय् न्ववानादिसें वय्कलं नेपाली सेनां काःगु न्हूगु भर्ती नियमित प्रकृया जूगु धयादिसें अनमिनं धाःगु धापूयात सरकारं न्यनेमाःगु आवश्यक्ता मदुगु धयादिल । वय्कलं नेपाली सेना व माओवादी लडाकुयात नापं तयाः तुलना यायेमज्यूगु नं धयादिल ।

अथेहे मन्त्री भण्डारीं राष्ट्र संघया सुरक्षा परिषदं नेपाःया सुरक्षा सम्बन्धी मखूगु रिपोर्ट ब्यूगु द्वपं नं बियादिल ।