मर्स्याङ्दी खुसिइ ट्रक बेपत्ता

येँ (सन्ध्या टाइम्स)/पृथ्वी राजमार्ग अन्तर्गत तनहुँया बन्दीपुरय् छगः ट्रक मर्स्याङ्दी खुसिइ कुतुंवनाः बेपत्ता जूगु दु। पोखरां येँय् वयाच्वंगु नम्बर सी मदुगु उगु ट्रक स्थानीय विमलानगरय् चान्हय् कुतुं वंगु खः। थौं सुथय् तकं बेपत्ता ट्रक लुइके मफुनि। ना. २ ख ९२१५ नम्बरया दुरु ज्वनावःगु ट्यांकरनाप ल्वानाः उगु ट्रक खुसिइ कुतंवंगु खः। ट्यांकर व चालकयात प्रहरीं ज्वनेधुंकूगु दु। खुसिइ कुतुंवंगु ट्रकय् ग्वःम्ह मनू व उकी छु सामान तयाहःगु धकाः नं सीके मफुनिगु खँ प्रहरीं धाःगु दु। खुसिबाः नं वयाच्वंगुलिं ट्रक मालेत थाकुयाच्वंगु खँ धाःगु दु ।