थरुहटं हाकनं आन्दोलनया घोषणा

सरकारनाप जूगु खुगू बुँदे सहमति कार्यान्वयन मजूगु धासें थरुहट संघर्ष समितिं आन्दोलनया ज्याझ्व घोषणा याःगु दु ।

शुक्रवाः येँय् पत्रकार सम्मेलन याना सहमति विपरीत प्रतिस्थापना विधेयक दर्ता याःगु धासें तराई लगायत लागाःय चरणबद्ध आन्दोलनया घोषणा याःगु दु । समितिया अध्यक्ष लक्ष्मण थारुं थारु विरुद्ध याःगु दक्वं निर्णय खारेज मयातल्ले आन्दोलन यानाच्वंनीगु खँ धाःगु दु । सरकारं विश्वासनिय वातावरण मदेयेकूलिं जल, जमीन व जंङरगल लगायतया सम्पूर्ण प्राकृतिक स्रोत कब्जा यायेगु वयेकलं दाबी यानादिल ।

थरुहट संघर्ष समितिं अन्तरिम संविधानय् मधेश धाःगु खँग्वः चीकाः तराई-थरुहट त्येमाःगु, थरुहट जिल्लाया दक्व सरकारी ज्याकूथी थारुयात नियुक्त यायेमाःगु माग तःगु दु ।