सभासद्तय्सं अतिक्रमित क्षेत्रया निरिक्षण याइगु

संसदीय समितिं भारतपाखें अतिक्रमण यानाच्वंगु नेपाःया क्षेत्र निरिक्षण याइगु जूगु दु । अन्तराष्ट्रिय सम्बन्ध व मानव अधिकार समितिया बैठकं अतिक्रमित क्षेत्रत कालापनी व सुस्ताया निरिक्षण वैशाष १६ बुधवाः निसें यायेगु क्वछीगु दु ।

निरिक्षण पुचःलं कालापानीया निरिक्षण बैशाष १६ निसें यायेगु व दक्षिणय् लागू क्षेत्रत सुस्ता व महेशपुरया निरिक्षण जेष्ठ १ गतेनिसें याइगु जूगु दु । बैठकं सभासद् राधा ज्ञवालीया संयोजत्वय् कालापानी निरिक्षण पुचः दयेकूगु दुसाः मेगू पुचःया नेतृत्वय् सभासद् नविन्द्रराज जोशी च्वनादीगु दु ।

निरिक्षण लिपा सभासदतय्सं हिउँदे अधिवेशन क्वचाये न्ह्य संसदय् प्रतिवेदन लःल्हाइगु खँ समितिया सभापति पदमलाल विश्वकर्मा धयादीगु दु ।

थ्व स्वयां न्ह्यः समितिं इलामया श्रआन्तु क्षेत्रया निरिक्षण याःगु खः ।