गौतमयात त्याकेत प्रमया लविङ

राष्ट्र संघीय महासभाया अध्यक्षय् पदय् नेपाःया कुलचन्द्र गौतमयात त्याकेत प्रधानमन्त्री माधवकुमार नेपालं लबिङ शुरु यानादीगु दु । वय्कलं बिहीवाः श्रीलंका, पाकिस्तान व बांगलादेशया राजदूत सुमित नाकान्डला, सैयद अब्रार हुसैन व डा. नीमचन्द्र भूमिकायात नापलानाः गैतमयात त्याकेत इनाप यानादीगु खः ।

सन् २०११-२०१२या महासभाय् अध्यक्ष पदय् गौतमयात त्याकेत राजदूत पाखें हे राष्ट्र प्रमुख व सरकार प्रमुखयात औपचारिक पत्राचार नं याःगु दु । नापं प्रधानमन्त्रीं राजदूततय्त मेमेगू एशियाली देय्या राजदूतत नाप नं ग्वाहालिया निंतिं लबिङ यानाबीत इनाप यानादीगु खः ।