थैवयात गोलीं क्येकूम्ह विकयात ज्वन

नेकपा (एमाले)या ल्याम्ह दस्ता युथ फोर्स बुटवलया नेता प्रचण्ड थैवयात गोलीं क्येकाः स्याःगु द्वपं लानाच्वंगु सुजित विकयात प्रहरीं ज्वंगु दु । वाइसीएलया जिल्ला अध्यक्ष विकयात प्रहरीं येँया लुँहितिं ज्वंगु खः । विकं २०६५साल चैत १३ गते मोटरसाइकल चलेयानाच्वंम्ह थैवयात बुटवलय् गोलीं क्यकाः स्याःगु खः । प्रहरीं विषेश सूचंया आधारय् निलाः न्ह्यः निसें विकयात मालाच्वंगु खः ।