स्वचालित ल्वाभः सहित निम्ह ज्वन
येँ (सन्ध्या टाइम्स)/पर्वत जिल्लाया देवीस्थान गाउँ विकास समिति लागां निम्ह मनूयात स्वचालित ल्वाभः सहित ज्वंगु दु ।
थ्व निम्ह मनूत लिक्क च्वंगु जिल्ला गुल्मीया बम्जा गाविसय् म्हिगः लुटपाट यानाः लिहां वयाच्वंपिं खः। निगू जिल्लाया सिमानाय् लाःगु लागां लिहां वयाच्वंगु इलय् प्रहरीं खंकाः तलासी काःबलय् इमिके थ्व स्वचालित ल्वाभः नं लुया वःगु खः। रोल्पाया जेलवाङ गाविसया मनेन्द्र रोका व राजेन्द्र रोकाययात छपु पेस्तोल व उकिया गोली सहित ज्वंगु खः। प्रहरीं इमित ज्वनाः माःगु अनुसन्धान न्ह्याकाच्वंगु दु ।
