खुखा छेँ चुइकल स्वद्वः छेँखा जोखिमय्

येँ (सन्ध्या टाइम्स)/मदिक्क वा वःगुलिं कोसी खुसि बाः वयाः सुनसरीया श्रीलङ्का टापु धाःगु थासय् लाःगु महेन्द्रनगर गाविसया खुखा छेँ चुइका यंकूगु दु ।

अनया भगवत उराउ, राजेन्द्र उराउ, चन्द्र उराउ, श्रीप्रसाद उराउ, टुप्प उराउ व तारु चौधरीया खुखा छेँ चुइका यंकूगु खः।
छेँ चुइका यंकूसां मानवीय क्षति धाःसा जूगु मदु। प्रकाशपुर व महेन्द्र नगर गाविसया बुँ खुसिं चुइका यंकाच्वंगुलिं अनया थ्यंमथ्यं स्वद्वःगू परिवार जोखिम अवस्थाय् लाःगु दु। स्थानीयवासीत सुरक्षित थासय् वनेत स्वयाच्वंगु दु ।