ओखरपौवावासीतय् अवरोधया कारणं येँय् फोहोरया द्वं

इलय् ब्यलय् थीथी माग तयाः फोहोर वायेकेत अवरोध यानाच्वंपिं ओखपौवावासीतय्सं हानं छक्व फोहोर वायेकेत अवरोध थंगु दु । इमिसं रोजगारीया व्यवस्था यायेमाःगु, अन विकास निर्माणया ज्या न्ह्याकेमाःगु आदि १३बुँदे माग तयाः अवरोध थंगु दु । अवरोधया कारणं प्यंन्हुन्य निसें येँया सतकय् फोहोरया द्वं मुंगु दु ।

थ्वहे दथुइ येँ महानगरपालिका व ओखरपौवावासीत दथुइ थौं वार्ता जुइगु धाःसां आः तक जुइमफुनी । उखे महानगरपालिकां मेगू माग पूवंकेमफइगु जुसां रोजगारीया व्यवस्था महानगरपालिकां यायेमफइगु खँ धाःगु दु ।