कांग्रेस पाखें उम्मेदवारी लितकायेत अस्वीकार

न्याक्वःगु खुसी तक नं संसदय् जूगु निर्वाचनं प्रधानमन्त्री ल्यये मफुसां नेपाली कांग्रेसं उम्मेदवारी लितमाकायेगु खँ धाःगु दु । थौं नेकपा (एमाले) नाप जूगु खँल्हाबंलाय् कांग्रेस नेतातय्सं सहमतिया आधार तयार मजुइकं उम्मेदवारी लितमकायेगु खँ धाःगु खः ।

शान्ति व संविधान निर्माणया आधार बारे निगूलिं दलया नेतात सहमत जुसां प्रधानमन्त्रीया उम्मेदवारी लितकयाः न्हूगु सहमतिया वातावरण दयेकेगु बारे धाःसा छुं सहमति जुइमफुत ।

खँल्हाबंला लिपा एमाले अध्यक्ष झलनाथ खनालं बैठक सकारात्मक जूगु कनादिसें याकनं हे हानं निगू दल दथुइ सहलह जुइगु कनादिल । अथेहे कांग्रेस नेता अर्जुननरसिंह केसीं कांग्रेसं शुन्यताय् उम्मेदवारी लितकमाइगु धयादिल ।