माओवादी लडाकूतय् निंतिं आचारसंहिता लागू याइगु

सेना समायोजन विषेश समितिं माओवादी लडाकूतय् निंतिं आचार संहिता लागू याइगु जूगु दु ।

बिहिवाः सिंहदरवारय् च्वंगु सेना समायोजन विषेश समितिया बैठकं देय्यंकया नीछगू सिविरय् च्वनांच्वंपिं लडाकूतय् निंतिं आचारसंहिता लागू यायेगु निर्णय याःगु खः । बैठकं सेना समायोजन विषेश समितिया सहायक प्राविधिक समितियात मागू जनशक्ति अप्वयेकेगु निर्णय याःगु दु । नापं लाडाकूतय् सिविर निरिक्षणया सोमवाः निसें यायेगु निर्णय नं याःगु दु ।

बैठकय् अनिमिनं अयोग्य ठहरयापिं लडाकूतय्त लितछ्वेगु बारे नं सहलह जूगु खः ।