नवलपरासीइ खुसिं चुइकाः छम्ह बेपत्ता

येँ (सन्ध्या टाइम्स)/नवलपरासीइ खुसि बाः वयाः चुइका यंकूम्ह छम्ह मनू थौं तकं बेपत्ता जुयाच्वंगु दु। बौदे खुसि बाः वयाः अनया रकुवा गाविस वडा नं. ६ या ४५ दँ दुम्ह होमनाथ पाण्डेयात वंगु चान्हय् चुइका यंकूगु खः। वयात थौं नं मालेगु ज्या जुयाच्वंगु दु ।

थ्वहे दथुइ नवलपरासीया हे दुम्कीबास गाविस वडा नं. ७ बबुवानय् नारायणी खुसिया लः दुहां वनाः अनया सछि व पीन्याखा छेँया मनूत विस्थापित जूगु दु। मदिक्क वा वयाच्वंगुलिं नवलपरासीया छगू दर्जन गां लखं डुबे जुइधुंकूगु दु ।