थौं सापारु
येँ (सन्ध्या टाइम्स)/दँय्दसं थौं नेवाःतय्सं सायाः नखः हनाच्वंगु दु। दछिया दुने मदुपिं छेँजःपिनि नामं मनूयात हे सा, जोगी नापं थीथी स्वरुपय् थौं चाःहीकेगु नापं मार्पा, जाकि आदि दान याइ। फुक्क नेवाःतय्सं हनीगु खःसां सायाः देय्या थीथी थासय् थीथी कथं हे हनीगु चलन दु:
ख्वपय् घिंतांकिसि प्याखं -
ख्वपय् सायाः नापनापं ताहाः सा, द्वकसा पिकायेगु अले घिंतांकिसि प्याखं पिथनाः चाःहिलाच्वंगु दु।
किपुली ध्यध्यपापां -
किपुली सायाः पिकायेगु नापं थीथी कथंया ख्वाःपाः पुयाः ध्यध्यपापा प्याखं पिथनाच्वंगु दु। थक्वाथय् म्येय्छ्यं जात्रा -
थक्वाथय् सायाः पिकायेगु नाप नापं म्येय्या छ्यं कुबियाः जात्रा न्यायेकाच्वंगु दु ।
पांगाय् तिरकू लारकू -
सायाःया हे झ्वलय् किपू नगर दुनेया पांगाय् थीथी कथंया ख्वाःपाः पुयाः तिरकू लारकू कूकू प्याखं क्यनाच्वंगु दु ।
