श्री महांकाल माविया ५४ क्वःगु बुदिं
येँ (सन्ध्या टाइम्स)/श्री महाकांल माविया ५४ दँ बुदिं व अभिभावक दिवस क्वचाल। शिक्षक सन् साय्मिया सभापतित्वय् जूगु उगु ज्याझ्वलय् विद्यालय व्यवस्थापन समितिया नायः दिपेन्द्र प्रकाश महर्जनं शैक्षिक सत्र २०६६/६७ या छात्रबृत्ति लःल्हानादिल। ज्याझ्वलय् विद्यालय निरीक्षक दिनेश देवकोटा व पुलांम्ह विद्यार्थी मनिला शाक्यं नं न्ववानादीगु खः ।
ज्याझ्वलय् २०६६ या एसएलसी ८३.१३ प्रतिशत हयाः विशिष्ट श्रेणीइ उत्तीर्ण जूम्ह मनिला शाक्य व हिमाल लामायात निक्वःगु दिब्यरत्न स्मृति कोषपाखें म्हतिं नीन्यासः दां लःल्हाःगु खः। सुनिलरत्न ताम्राकार व प्रधानाध्यापिका प्रतिभा पोखरेलं विद्यार्थीतय्त भिंतुना बियादिल ।
