थानकोटय् लेडी जेसीजपाखें सिमा पीज्या
येँ (सन्ध्या टाइम्स)/जेसीआई काठमाडौं लेडी (नेपाल) पाखें वंगु द्वादशी कुन्हु थानकोटय् सिमा पीगु ज्या जुल। रामशरण आलेमगरया ग्वाहालिं जूगु उगु सिमा पीगु ज्याय् उतिस, खोटेम, असारे, जाई, काइयो, कल्की, धुपी, सल्ला, अमला टोरेलोमाया सिमा पिउगु खः ।
जेसीआई काठमाडौं लेडी जेसीजया नकिं व ज्याझ्वःया संयोजक जेसी शान्तितारा मानन्धरं स्वसःमा सिमा पिनागु खँ कनादिल। 'हरियो वन नेपालको धन' धइगु उखानयात पुनः सार्थक यायेगु ताःतयाः न्ह्याकूगु उगु ज्याझ्वः अमृता मानन्धरया संयोजनय् जूगु खः ।
