विमान दुर्घटना छानबिन यायेत आयोग गठन
मंगलवाः सुथय् येँ नं लुक्लाया निंतिं ब्वःगु अग्नि एयर विमान दुर्घटना जूगु बारे छानबिन यायेत पर्यटन व नागरिक उड्डयन मन्त्रालयं न्याम्ह दुजः दुगु आयोग गठन याःगु दु ।
खराब मौसमया कारणं लुक्ला विमानस्थलय् अवतरण यायेमफयाः येँ लिहांवयाच्वंगु इलय् मक्वानपुरया शिखरपुर गाविस-२या वस्तीपुरय् जूगु दुर्घटनाया छानबिन यायेत उड्डयन विज्ञ व एरोनोटिक इन्जिनियर कुमारप्रसाद उपाध्यायया संयोजकत्व आयोग गठन याःगु खः । उगु आयोगय् पर्यटन मन्त्रालयया सुरेश आचार्य, नेपाल नागरिक उड्डयन प्राधिकरणया राजन पोखरेल, बुद्ध एअरया शारदाभक्त राजभण्डारी व सीता एअरया राजेन्द्रमान शाक्य दुजः जुयादी
आयोगयात छानबिन यानाः प्रतिबेदन लःल्हायेत ६५न्हुया ई ब्यूगु दु । मंगलवाः सुथय् जूगु विमान दुर्घटनाय् विमानय् सवार ५म्ह नेपाली, ४म्ह अमेरिकी, छम्ह-छम्ह जापानी व बेलायती यात्रुत सीगु खःसा चालक दलया स्वम्ह नेपाःमित नं सीगु खः ।
