प्रतिगामी पाखें होसियार : एमाले
नेकपा (एमालें) प्रतिगामी पाखें होसियार जुइत इनाप याःगु दु । मंगलवाः पार्टी ज्याकू मदन नगर बल्खुइ च्वंगु एमाले पोलिटब्यूरो बैठकं प्रतिगामीतय् चलखेल प्रति उच्च सर्तकता नाला कयाः शान्ति, संविधान व सामाजिक-आर्थिक रुपान्तरणया अभिभार पूवंकेमाःगु निर्णय याःगु दु । नापं एमालें अज्याःगु अभिभार पूवंकाः प्रतिगामीतय् योजनायात निष्फल दयेकेत गम्भीरतापूर्वक लगे जुइत इनाप याःगु दु ।
बैठकं छुं ई थुके ऐतिहासिक जनआन्दोलनया उपलब्धित विषेश यानाः लोकतन्त्र, गणतन्त्र, संघीयता, संविधानसभा व धर्म निरपेक्षताय् लगातार जुयाच्वंगु प्रहार व प्रतिगामी तत्वतय् चलखेल प्रति गम्भीर ध्यानाकषर्ण जूगु खँ धाःगु दु ।
अथेहे बैठकं थौं सुथय् खराब मौसमया कारणं मक्वानपुरया वस्तीपुरय् अग्नि एयरया विमान दुर्घटनाय् लानाः १४म्ह सीगु घटना प्रति दुःख प्वंकूसें उगु घटनाया छानबिन यायेत सरकार नाप माग याःगु दु । अथहे मदिक्क वयाच्वंगु वाया कारणं वंगु चलखं सीपिं प्रति बिचाः ह्याकूगु दु ।
एमालेया मेगू पोलिटब्यूरो बैठकं भदौ ११ गते ११ बजे हानं च्वनी ।
