अग्नी एअरया विमान दुर्घटनाग्रस्त, दक्वं यात्रुत सीत

मकवानपुरया शिखरपुरय् अग्नि एयरया विमान दुर्घटना जुया विमानय् च्वंिपं िझंप्यम्ह सीगु दु । सीपिनिगु सीम्ह येँ हःगु दु । फिस्टेल एयरया हेलिकोप्टरं सीम्ह येँ हःगु खः । विमानस्थलय् प्रधानमन्त्री माधवकुमार नेपालया नापं अमेरिका व जापानया राजदूततय्सं सीिपं प्रति बिचाः हायेकादिल । येँ नं लुक्लापाखे ब्वःगु विमान लुक्लाय् अवतरण याये मफयेवं लिहाँवयेगु भुवलय् मकवानपुरया शिखरपुर वडा नम्बर-२ स्थित मोतिपुरय् दुर्घटनाग्रस्त जूगु खः । सीपिनिगु सिम्ह मुनेगु निितं नेपाली सेनाया नेतृत्वय् िझंगुम्ह दुजः दुगु टोली न्हिनय् जक घटनास्थल थ्यंकूगु खः । डोनियर क्राफ्ट अल्फा होटल ईको एक सय एक नम्बरया उडानय् चालक दलया स्वम्ह व िझंछम्ह यात्रु याना िझंप्यम्ह दुगु खः । सीिपं मध्ये खुम्ह विदेशी नागरिक खः । येँ नं सुथय् न्हय्ता ई जुया न्यागू मिनेटय् ब्वःगु विमान न्हय्ता ई जुया स्वीगु मिनेटय् दुर्घटना जूगु खः । मकवानपुरया फापरबारीं नं सेनाया छगू टोली उखेपाखे वंगु दु । अथेहे येँया ११ नम्बर वाहिनीं वंगु सेनाया एमआई-सेभेन्टिन हेलिकोप्टरय् स्वाथ्यकर्मीनापंया टोली वंगु खः । तर मदिक्क वा वःगु व खराब मौसमया हुिनं उगु टोलीयात घटनास्थलय् थ्यंकेत तसकं थाकुल । विमानया चालक दलय् मुख्य चालक लक्ष्मणप्रकाश विक्रम िसंहया नेतृत्वय् सहचालक सोफिया िसंह व परिचारिका सहारा शेर्पा दुगु खः । सीिपं मध्ये प्यम्ह अमेरिकी छम्ह जापानी व छम्ह बेलायती नागरिक खः । विमान पूर्ण रुपय् क्षतिग्रस्त जूगु दु । दुर्घटनाय् सीिपं मध्ये निम्हेसिया जँ क्वय्या भाग व मेिपं फुक्कसिया सीम्ह क्षँतिविक्षँत अवस्थाय् लुइकूगु दु । ब्वयाच्वंगु विमान आकाझाकां क्वय् कुतुंवया बँय् न्यायेवं झन्दै न्हय्गु फिट गा वंगु दु । घटनास्थलय् क्षतविक्षत सीम्ह सेना व प्रहरीं मुनाहःगु दु । घटनास्थलय् येँ नं वंगु सेनाया हेलिकप्टर इपा गाविसया माल्टाय् अवतरण याःगु खः । सैनिक उगु थासं न्यासेवना घटनास्थल थ्यंकूगु खः । घटनास्थल मकवानपुर सदरमुकाम हेटौंडां थ्यंमथ्यं पीगू किलोमिटर पूर्वय् यलव काभ्रे सती । पूर्वय् बागमती व पश्चिमय् सिमात खुसि दुगुिलं न्यासेवना मकवानपुर प्रहरीया टोलीयात घटनास्थल थ्यंकेत समस्या जूगु खः । फापरबारी व हात्तिसुडें वंगु प्रहरी टोली धाःसा घटनास्थलय् थ्यनाः उद्दारय् खटेजूगु खः । मदिक्क वा वःगु हुिनं डीएसपी गौतमराज कट्टेलया टोली फुर्केचौरं लिहाँवःगु खः । खुसिवा खहरेया हुिनं प्रहरीयात घटनास्थल थ्यनेत तसकं सकस्या जूगु खः । फापरबारीं प्रहरी निरक्षक प्रमोद कुर्मीया टोली धाःसा घटनास्थल थ्यंकूगु खः । स्थानीय बसिन्दा ज्ञानकुमार थोकरया कथं विमान दुर्घटना जूबले तसकं सः वःगु खः ।