लँ चायेकेगु बारे सेनायात आदेश
येँ (सन्ध्या टाइम्स)/नेपाली सेनां सुरक्षाया कारण क्यनाः बन्द यानातःगु येँया भद्रकालींनिसें माइतीघर तकया लँपु चायेकेगु बारे लिसः बिउ वा धकाः सर्वोच्च अदालतं नेपाली सेनायात आदेश बिउगु दु। भदौ १० गते अदालतय् उपस्थित जुयाः थुकिया लिसः बीत आदेश बिउगु खः ।
सर्वोच्च अदालतया न्यायाधीश रणबहादुर बमया एकल इजलासं थ्व आदेश बिउगु खः। माइतीघरंनिसें भद्रकालीतकया लँपु नेपाली सेनां शाही शासनकालय् बन्द याःगु खः। उगु लँपु चायेकेमाः धइगु माग यासें अधिवक्ता विष्णुप्रसाद बास्तोलां वंगु विहिवाः सर्वोच्चय रिट दायर याःगु खः ।
उगु रिटयात कयाः सुनुवाई याःगु इलय् सर्वोच्चं सेनायात अदालतय् हे उपस्थित जुयाः लँ बन्द यानागु बारे लिसः बीत आदेश जारी याःगु खः ।
