दलतय्त एमालेया आधारपौ
येँ (सन्ध्या टाइम्स)/एमालें राष्ट्रिय सहमतिया नितिं न्ह्यब्वःगु आधारपौ थौं दलतय्त बीत्यंगु दु। थौं जुइगु प्रधानमन्त्रीया चुनाव लिपा माओवादी, नेपाली कांग्रेस, मधेशवादी दल लगायत फुक्कं दलतय्त औपचारिक कथं हे एमालें उगु सहमतिया आधारपौ बीत्यंगु खः। उगु पौ इनाबीधुंकाः एमालें उकिया लिधंसाय् राष्ट्रिय सहमतिया निंतिं गम्भीर रुपं थीथी दलतलिसे सहलह ब्याकी धाःगु दु।
एमालेया पोलिटब्यूरों तयार याःगु उगु आधारपती प्यलाया दुने माओवादी लडाकु समायोजन व पुनःस्थापना यायेमाःगु, वाईसिएलया अर्धसैन्य संरचना भंग यायेमाःगु, कब्जा सम्पत्ति लित बीमाःगु, बेपत्ता आयोगंनिसें थीथी कथंया आयोग दयेकाः ज्या यायेमाःगु लगायतया खँ न्ह्यथनातःगु दु ।
