थौं लुँवहः ब्यापारीया मौन जुलुस

येँ (सन्ध्या टाइम्स)/नेपाल राष्ट्र बैंकं लुँवहः आयात यायेगु सम्बन्धय् हःगु न्हूगु ब्यवस्थाया विरोध यासें आन्दोलनय् कुहां वयाच्वंपिं लुँवहः व्यवसायीतय्सं थौं येँय् मौन जुलुस पिकाल। नेपाल सुनचाँदी ब्यवसायी संघया आह्वानय् पिहां वःगु उगु र्‍यालीइ सहभागी स्वनिगःया व्यवसायीतय्सं राष्ट्र बैंकया गभर्नरयात नापलानाः ज्ञापनपत्र बीगु खँ धाःगु दु। संघं म्हिगः नं देय्न्यकंया लुँवहः पसः बन्द याःगु खःसा थौं नं बन्द जारी हे यानातःगु दनि ।