वार्षिकोत्सवय् सुचुकुचु ज्याझ्वः
येँ (सन्ध्या टाइम्स)/मित्र युवा क्योकुशिन कराँते क्लब, क्षेत्रपाटी न्हय्दँ क्यंगु लसताय् १७ वडाया क्षेत्रपाटी चोक व धल्को सुचुकुचु यायेगु ज्या जुल ।
क्लबया संरक्षक नापं येँ महानगरया पुलांम्ह मेयर लिसें सांसद पी.एल. सिंहया प्रमुख आतिथ्यताय् जूगु सुचुकुचु अभियानय् क्लबया चय्म्ह कासामिपिं नं सहभागि जूगु खः। कासामितय्त कासाय् जक लिकुंका मतसे विकास निर्माण व सामाजिक ज्याय् नं अभिप्रेरित यायेगु ल्याखं थुगु ज्याझ्वः न्ह्याकागु क्लबं जानकारी बिउगु दु ।
लिसें मूपाहां सिंहं सतकय् मुनाच्वंगु फोहोर चीका सुचुकुचु याःथें देय्या फोहार राजनीतियात सुचुकुचु यायेमाःगु २१ औं शताब्दीयात आवश्यकता जूगु खँ कुलादिल। लिसें क्लबं थःगु वार्षिकोत्सवया लसताय् वइगु असोज मिखाया शिविर, हिदान, व छात्रवृत्तिया ज्याझ्वः नं न्ह्याकेत्यंगु दु ।
