न्याक्वःगु खुसी नं निम्हं उम्मेदवार बुत
प्रधानमन्त्री ल्ययेत न्याक्वःगु खुसी जूगु निर्वाचनय् नं निम्हं उम्मेदवारत बूगु दु । सोमवाः व्यवस्थापिका संसदया बैठकय् जूगु निर्वाचनय् एनेकपा (माओवादी)या उम्मेदवार पुष्पकमल दाहाल 'प्रचण्ड' व नेपाली कांग्रेस पाखें रामचन्द्र पाडेल पराजीत जुयादीगु खः । निम्हं उम्मेदवारं स्पष्ट बहुमत खाके मफेवं थौं नं संसदं न्हूम्ह प्रधानमन्त्री ल्ययेमफुत ।
संसदय् माओवादी अध्यक्ष प्रचण्डयात प्रधानमन्त्रीया निंतिं समर्थन याः धइगु डा. बाबुराम भट्टराईया प्रस्तावया पक्षय् २४६मत, विपक्षय् १११ व तटस्थय् २०६ मत लाःगु खः । उगु इलय् संसदय् ५६३ सभासद्तय् उपस्थिति दुगु खः । अथेहे कांग्रेस वरिष्ठ नेता शेरबहादुर देउवां रामचन्द्र पौडेलयात प्रधानमन्त्रीया निंतिं समर्थन याः धकाः तःगु प्रस्तावया पक्षय् १२४, विपक्षय् २४३ व तटस्थय् २०० मत लाःगु खः ।
संसदीय व्यवस्था कथं सुनां नं स्पष्ट बहुमत ह्येमफुतले प्रधानमन्त्रीया निर्वाचन हानं यानातुं वनेमा ।
