थौं व कन्हय् लुँवहः पसः बन्द
येँ (सन्ध्या टाइम्स)/नेपाल राष्ट्र बैंकं लुँवहः आयत यायेगु सम्बन्धय् हःगु न्हूगु ब्यवस्थाया विरोधय् नेपाल सुनचाँदी ब्यवसायी संघं थौं व कन्हय् निन्हुयंकं देय्न्यंकंया लुँवहः पसः बन्द याःगु दु ।
न्हूगु मौद्रिक नीतिइ जुयाच्वंगु व्यवस्थायात हीकाः 'क' वर्गया इजाजत प्राप्त बैंकपाखें जक लुँवहः बजारय् पित हयेगु राष्ट्र बैंकया न्हूगु व्यवस्थाया विरोध यासें संघं बजाः बन्दया आह्वान याःगु खः ।
