विवादित विषयत बँदागत रुपं ज्यंकीगु

प्रमुख स्वंगू दल सहित मधेशवादी दलतय्सं न्याक्वःगु पटक नं प्रधानमन्त्री ल्यये मफुसाः विवादित विषयत बुँदागत रुपं ज्यंकेगु सहमति प्वंकूगु दु । संविधानसभाया अध्यक्ष सुभाष नेम्वाङया आह्वानय् आइतवाः च्वंगु प्रमुख स्वंगू दल माओवादी, कांग्रेस व एमाले नापं मंकाः लोकतान्त्रिक मधेशी मोर्चाया बैठकं बुँदागत रुपं समस्या ज्यंकेगु सहमति प्वंकूगु खः ।

सिंहदरवार स्थित अध्यक्ष नेम्वाङया ज्याकूथी च्वंगु बैठकय् दक्वं दलया शीर्ष नेतातय्सं ब्वति काःगु खः । कन्हय् न्याक्वःगु पटक जुइगु प्रधानमन्त्रीया निर्वाचन व उगु निर्वाचनं नं प्रधानमन्त्री ल्ययेमफुसाः ल्ह्वनेमाःगु पलाया बारे बैठक केन्द्रीत जूगु खः ।