सशस्त्र प्रहरी महानिरीक्षक व राष्ट्रिय अनुसन्धान विभागया प्रमुख नापं स्वीम्ह अधिकारीतय्त अवकास

सरकारं सशस्त्र प्रहरी व राष्ट्रिय अनुसन्धान विभागय् स्वीदँ सेवा अवधि लागू यानाः स्वीम्ह वरिष्ठ अधिकारीतय्त बुधवाःनिसें अवकास ब्यूगु दु ।

सरकारं सशस्त्र प्रहरी नियमावली ३०६५यात न्याक्वःगु खुशी संशोधन याःगु खसाः राष्ट्रिय अनुसन्धान विभाग सम्बन्धी नियमावली नं संशोधन याःगु दु । गृहमन्त्रालयं संशोधित नियमावली कथं स्वीदँ अवधि पूवंकूम्ह सहस्त्र प्रहरी महानिरीक्षक वासुदेव ओली नापं झिम्ह उच्च प्रहरी अधिकारीतय्त अवकास ब्यूगु खः । अथेहे अनुसन्धानया निर्देशक धनिसंह कार्कीनापं नीम्ह अधिकारीतय्त अवकास ब्यूगु दु ।

गृहमन्त्रालयं बुधवाः हे सशस्त्रय् वरिष्ठ एआईजी सनतकुमार बस्नेत व अनुसन्धानय् मुख्य अनुसन्धान निर्देशक अशोकदेव भट्टयात निमित्त प्रमुखया जिम्मेवारी ब्यूगु दु ।