म्याद बारे अनमिन चिन्तित
येँ (सन्ध्या टाइम्स)/नेपाःया शान्ति प्रक्रियाय् महत्वपूर्ण भूमिका म्हिता वयाच्वंगु संयुक्त राष्ट्रसंघीय मिसन अनमिनं राजनीतिक दलया नेतातलिसे थौं सहलह ब्याकूगु दु। अनमिन प्रमुख करिन लेनग्रेनं थौं सुथय् छगू होटलय् एकीकृत माओवादीया नेता वर्षमान पुन, जनार्दन शर्मा, कांग्रेसया रामशरण महत व एमालेया इश्वर पोखरेललिसे सहलह ब्याकादीगु खः। वइगु भदौ ३० गते म्याद फुइत्यंगु जुयाः आः छु जुइ धइगु खँय् अनमिनं दलया नेतातलिसे सहलह ब्याकादीगु खःसा नेतातय्सं धाःसा थःथःगु दलय् सहलह ब्याकाः जक लिसः बी धाःगु दु ।
