विश्व नेवाः संगठन स्वनेत तदर्थ समिति
येँ (सन्ध्या टाइम्स)/चर्चाय् वयाच्वंगु विश्व नेवाः संगठन (वर्ल्ड नेवाः अर्गनाइजेशन) गठन यायेगु लागिं कन्हय् तदर्थ समिति नीस्वनीगु जूगु दु ।
तदर्थ समिति स्वने न्ह्यः कन्हय् हानं छक्वः थ्वहे विषययात कयाः छगू टेलि कन्फरेन्स नं याइगु ग्वसाः दु। कन्हय् जुइगु कन्फरेन्स निक्वःगु खः। कन्हय् नेपाःया ई कथं सनिलया ६ बजे विश्वया थीथी देशय् च्वनाच्वंपिं नेवाःतय् दथुइ फोनपाखें उगु संवाद जुइत्यंगु खः ।
