प्रहरी ज्याकू न्ह्यने अधिवक्तयात गोलीं क्येकल

जिल्ला प्रहरी ज्याकू चितवन न्ह्यने अधिवक्ता पदम दाहालयात गोलीं क्येकूगु दु । बिहीवाः सुथय् झिताः इलय् स्वंगः पल्सर मोटरसाइकलय् वःपिं खुम्ह अज्ञात पुचलं दाहालयात गोलीं क्येकूगु खः । गोली प्रहरा पाखें अधिवक्ता दाहाल धाःसा सकुशल जूगु खँ प्रहरीं धाःगु दु । गोलीं क्येकेवं २९दँया छम्ह आक्रमणकारी दिलबहादुर लामां ल्वाभः सहित प्रहरीयात आत्मासमर्पण याःगु दु । दाहालयात छाय् गोलीं क्येकूगु धइगु खँ सिकेमफुनीगु व थुकीया बारे अनुसन्धान जुयाच्वंगु खँ प्रहरीं धाःगु दु ।