सभासद् शर्मा पाखें राजीनामा

एनेकपा (माओवादी)या सभासद् रामकुमार शर्मां थःगु पद पाखें राजीनामा बियादीगु दु । संविधानसभाया निर्वाचनय् तराई मधेश लोकतान्त्रिक पार्टी पाखें महोतरी क्षेत्र नं ४य् निर्वाचित जुयादीगु खःसा दच्छि न्ह्यः जक माओवादीलय् दुहांवंगु खः । तमलोपां शर्मायात कारवाही प्रकृया न्ह्याकेवं वय्कलं सभासद् पदं राजीनामा बियादीगु खः । वय्कया पद खारेजी यायेत तमलोपाया सचेतक बृजेशकुमार गुप्तां मंगलवाः पार्टीया निर्णयया पौ सभामुख सुभाषचन्द्र नेम्वाङयात लःल्हानादीगु खः । शर्माया राजीनामा लिपा खाली जूगु पदय् खुलाया दुने न्हूगु निर्वाचन यायेमाःगु प्रावधान दु ।