यादव प्रति शोक प्रस्ताव पारित

व्यवस्थापिका संसदया बैठकं माओवादी सभासद् रामकुमारी यादव मदुगु प्रति शोक प्रस्ताव पारित याःगु दु । बुधवाः च्वंगु बैठकं यादव प्रति श्रद्धाञ्जली देछासें वय्कया छेँजयात समवेदना प्रकट याःगु दु । शोक प्रस्ताव पारित यायेधुंकाः संसदया नियमित कार्यसूचिइ दुहांमवंसें बैठक स्थगित याःगु खः ।

बैठक स्थगित जूगुलिं थौंया निंतिं क्वःछिनातःगु प्रधानमन्त्रीया न्याक्वःगु चरणया निर्वाचन स्थगित याःगु खः । कार्यव्यवस्था परामर्श समितिया बैठकं थौंया निंतिं क्वःछिनातःगु निर्वाचन भदौ ७ गते स्वताः ई तकया निंतिं लिछ्याःगु दु ।