कांग्रेसया माग पूवंकेत माओवादी सहमत
सत्तारुढ नेकपा एकीकृत (माओवादी) व प्रमुख प्रतिपक्ष दल नेपाली कांग्रस जूगु बैठक सहमतिइ क्वचाःगु दु ।
बुधवाः कांग्रेसया संसदीय कार्यलय सिंहदरवारय् च्वंगु बैठकय् सरकारं माओवादी जनयुद्धवलय् सिपिं दक्वं झिंप्यद्वं मनूतय्त सहिद घोषणा यायेगु सहमति जूगु दु । न्हापा सरकारं न्ह्यद्वं माओवादी कार्यकर्तातय्त जक सहिद घोषणा यायेगु निर्णय याःगु खः ।
अथेहे सहमतिइ पुलांगु समझौतात तुरुन्त पालना यायेगु निर्णय याःगु दु । कांग्रेसं माओवादीं कब्जा यानातःगु जग्गा लितबीमाः,गु वाइसिअलया अर्धसैनिक संरचना भंग यायेमाःगु लगायतया माग तया वयाच्वंगु खः ।
सत्तासाझेदार दलतनाप व्यवस्थापिका संसदया बैठक सुचारु यायेत सहमति याये धुंकाः माओवादीं प्रतिपक्ष दल नाप थ्व सहमति याःगु खः ।
बैठकय् माओवादीपाखें नेतत नारायणकाजी श्रेष्ठ व देव गुरुङं ब्वति काःगु खसाः कांग्रेसयापाखें डा. रामसरण महत प्रकाशसरण महत व सोभाकर पराजुलिं ब्वति काःगु खः ।
