अमेरिकी उपसहायक मन्त्री येँय्

अमेरिकी विदेश मन्त्रालयया दक्षिण व मध्य एसियाली मामिलाया कार्यकारी उपसहायक मन्त्री अतुल केसप स्वन्हुन्यंकया नेपाः भ्रमणया निंतिं मंगलवाः येँय् थ्यंकादीगु दु । केसपं नेपालय् सरकारी अधिकारीतनाप निगू पक्षीय हितया विषयलय् सहलह याइगु ज्याझ्वः दु । दक्षिण एसियाली देय्या मामिला व परराष्ट्र नीति समन्वय व्यवस्थापन स्वइगु ज्याकूया निर्देशक नं जुयादीम्ह केसपं नेपालय् दुपिं भुटानी व तिब्बती शरणार्थीतय् ग्वाहालिया निंतिं जुयाच्वंगु अन्तर्राष्ट्रिय व नेपाःया कुतःया बारे नं सहलह यानादीगु ज्याझ्वः दु ।