माओवादी पाखें भारतीय दूतावासय् विरोध पौ

एकीकृत नेकपा (माओवादीं) सभासद् रामकुमार शर्मायात नेपाः स्थित भारतीय दूतावासया कर्मचारीं स्यायेगु धकाः ब्यूगु ख्याच्वः प्रति आपत्ति प्वंकूसें विरोध पौ लःल्हाःगु दु । माओवादी अध्यक्ष पुष्पकमल दाहाल 'प्रचण्ड'या ल्हाः चिं दुगु विरोध पौलय् धम्की ब्यूम्ह दूतावासया काउन्सिलर सुब्रत दासयात कारवाही यायेत माग यानातःगु दु । नापं उकी दासं क्षमायाचना यायेमाःगु व भारतय् लितसतेत माग यानातःगु दु । विरोध पौ भारतीय राजदूत राकेश सुदयात हे लःल्हायेगु ज्याझ्वः दुगु खःसां उकीया निंतिं सुदं ई मब्यूगु खँ सीदुगु दु ।