निर्णय बारे पुनः बिचाः यायेत एमालेयात कांग्रेसया इनाप

नेपाली कांग्रेसं प्रधानमन्त्रीया निर्वाचनय् तटस्थ च्वनेगु निर्णय पुनः बिचाः यायेत नेकपा (एमाले)यात इनाप याःगु दु । म्हिग एमालेया संसदीय दलया बैठकं प्रधानमन्त्रीया निंतिं बुधवाः जुइगु न्याक्वःगु चरणया निर्वाचनय् नं तटस्थ हे च्वनेगु निर्णय यायेवं कांग्रेस नेतातय्सं थ्व इनाप याःगु खः ।

प्रधानमन्त्री निवास बालुवाटारय् थ्यंकाः कांग्रेसया नेतातय्सं इनाप याःसां एमाले नेतातय्सं तटस्थ हे च्वनेगु अडान लिसाः काःगु खः । एमाले पाखें प्रधानमन्त्री माधवकुमार नेपाल सहितया नेतातय् ब्वति दुगु बैठकय् एमालें निम्हं उम्मेदवारं नां लितकयाः न्हूगु तरिकां सहमति मालेमाःगु खँ धाःगु खः । उकीयात धाःसा कांग्रेसं अस्वीकार याःगु खँ सीदुगु दु ।

कांग्रेसयात प्रधानमन्त्रीया निर्वाचन त्याकेत एमाले नापं मधेशी मोर्चाया समर्थन आवश्यक जू