स्वनिगःया १०म्ह क्याम्पस प्रमुख पाखें राजीनामा

ताः ई निसें जुयाच्वंगु शुल्क विवादया कारणं स्वनिगःया १०म्ह क्याम्प प्रमुखतय्सं राजीनामा ब्यूगु दु । प्रमुखतय्सं विवादया कारणं क्याम्पसय् ज्या यायेगु वातावरण मदुगु धासें मंकाः रुपं सोमवाः राजीनामा ब्यूगु खः । उमिसं विश्वविद्यालयं शुल्क निर्धारण सम्बन्धि ठोस निर्णय मयाःगुलिं विवाद कायम हे जूगु खँ धाःगु दु ।

क्याम्पसय् शुल्क निर्धारणया खँय् विद्यार्थी संगठन व क्याम्पस प्रकाशन दथुइ विवादया कारणं रत्नराज्य, अमृत साइन्स, नेपाल कमर्स क्याम्पस, सरस्वती वहुमुखी क्याम्पस, पब्लिक युथ क्याम्पस, सानो ठिमी, महेन्द्र रत्न,पदमकन्या, ख्वप व शंकरदेव क्याम्पसया प्रमुखतय्सं मंकाः रुपं राजीनामा ब्यूगु खः ।