संक्रमणकालय् सुनां नं क्षेत्रीय व जातीय खँ ल्ह्वने मज्यू : राष्ट्रपति यादव

राष्ट्रपति डा रामवरण यादवं देय् संक्रमणकालीन अवस्थाय् दुगुलिं थुगु ईलय् सुनां नं क्षेत्रीय व जातीय खँ ल्ह्वने मज्यूगु खँ धयादीगु दु ।

बुधवाः येँय् अखिल नेपाल चिकित्सक संघया २४औं सम्मेलनया उल्लेज्याः यानादीसें राष्ट्रपति यादवं देशय् अतिवाद खनेदुगुलिं चिन्ता प्वंकादिल । लोकतन्त्र संस्थागत यानाः न्ह्याः वनेमाःगु हाथ्याः दुगु धासें वयेकलं सहमति व सहमार्यय् बः बियादिल । देय् तरल अवस्थाय् दुगुलिं आवेगं मखसें विवेकं ज्या यायेत दक्व सितं राष्ट्रपति यादवं इनाप यानादिल ।

येँय् सुरु जूगु स्वन्हुयंकया सम्मेलनय् नेपाः लगायत विदेशया नापं याना झिंछद्वं चिकित्सकय्सं ब्वति काःगु खँ संघया अध्यक्ष केदारनरिसंह केसी कनादीगु दु । सम्मेलनं संघया नकतिनि क्वचाःगु अधिवेशनं निर्वाचित कार्य समितियात नेतृत्व हस्तान्तरण याइ ।