येँय् भिमसेनदास विजयी

नेपाली कांग्रेसया झिंनिक्वःगु जिल्ला महाधिवेशन अन्तर्गत येँया सभापति पदय् भीमसेनदास प्रधान विजयी जुयादीगु दु । न्हापांगु निर्वाचनय् सभापति पदय् प्रधान व वय्कया प्रतिद्वन्दी राजन केसीया समान ४२१ मत जुइवं थौं निक्वःगु खुसी निर्वाचन जूगु खः । थौं जूगु निर्वाचनय् प्रधानया पक्षय् ५१९ व केसीया पक्षय् ४८१ मत वःगु खः ।

न्हापांगु पटकया निर्वाचनय् सभापति पदया निंतिं उम्मेदवार जूपिं प्रधान, केसी व लोकेश ढकाल सुनां नं ५१ प्रतिशन मत ह्येमफेवं अप्व मत हःपिं निम्ह उम्मेदवार दथुइ थौं हानं निर्वाचन जूगु खः । थौंया निर्वाचनय् प्रधानयात लोकेश ढकालया प्यानलं नं समर्थन याःगु खः ।