डिकेन्द्रया काय् शम्भुपाखें नं आत्महत्या
येँ (सन्ध्या टाइम्स)/नेकपा (एमाले)या केन्द्रीय ज्याकू बल्खुइ यगानाः आत्महत्या याःम्ह झापाया पुलांम्ह एमाले कार्यकर्ता डिकेन्द्र राजवंशीया काय् शम्भु राजवंशीं नं आत्महत्या याःगु दु ।
झापा दुवाढी ५ लागाय् छेँ दुम्ह २२ दँया शम्भुं थःगु हे छेँ लिकसं वंगु चान्हय् आत्महत्या याःगु खः। वय्कः जागिर मदयाः चिन्तित जुयाच्वंम्ह खः। थ्वसिबें न्ह्यः काय्यात जागीरय् तया बीत माग यासें झापांनिसें येँय् वःम्ह ६५ दँया डिकेन्द्रं एमाले नेतातय्गु व्यवहार सहयाये मफयाः वंगु बैशाख ३ गते चान्हय् पार्टीया केन्द्रीय ज्याकुथी हे आत्महत्या याःगु खः। डिकेन्द्र राजवंशी तत्कालीन झापा विद्रोहया अग्रणी नेता खःसा वंगु चान्हय् वय्कःया काय शम्भुं नं आत्महत्या याःगु खः ।
