अध्यागमनय् कडाइ याइगु

सरकारं स्वदेशी व विदेशीतय् प्रस्थान व आगमन प्रक्रियायात कडाइ याइगु कथं 'अध्यागमन ऐन-२०४९' संशोधन याइगु जूगु दु । उकीया निंतिं गृह मन्त्रालयं संसदय् संशोधन विधेयक दर्ता यायेधुंकूगु दु ।

प्रस्तावित विधेयकाय् नेपामितय् नं विदेश प्रस्थान व आगमन अध्यागमन दुने लाइगु न्ह्यथंनातःगु दु । आः तक विदेशीत नेपाल प्रवेश, उपस्थिति व प्रस्थानयात जक अध्यागमन ऐनय् दुथ्याकातःगु दु । अध्यागमन नियम प्रक्रियायात प्रभावकारी दॆकेत नेपाल प्रहरी दुने अलग्ग हे 'अध्यागमन प्रहरी'या व्यवस्था यायेत्यंगू दु ।

नक्कली भिसा, राहदानी देकेगु वा छ्यलेगु ज्या याःसाः वयात न्यादँ तक कैद व निगू लाख तकाः व निगूलिं जरिवाना जुइफू । आः तक न्यादँ कैद व नीन्याद्वं तकाः जरिवानाया व्यवस्था दु ।