थौं सभासद् यादवयात अन्तिम श्रद्धाञ्जली
येँ (सन्ध्या टाइम्स)/ग्याँस ज्वयाः जूगु दुर्घटनाय् लानाः मदुम्ह एकीकृत माओवादीया सभासद रामकुमारी यादवया सीम्ह थौं येँय् हइगु जूगु दु ।
भारतया न्हूदिल्लीस्थित सफदरजंग अस्पतालय् वासः याकुयाकुं मदुम्ह वय्कःया सीम्ह हयेवं माओवादी पार्टीया केन्द्रीय ज्याकू कोटेश्वरय् तयाः अन्तिम श्रद्धाञ्जली यासें वयां लिपा वय्कःया हे छेँ धनुषाय् यंकी धाःगु दु। धनुषा जिल्लापाखें संविधानसभाया चुनावय् त्याःम्ह सभासद रामकुमारी यादवया अन्तिम संस्कार अन हे याइगु ग्वसाः दु। वंगु छु. दिं न्ह्यः जक जा थुइगु ग्याँस ज्वयाः वय्कःया छ्यं बाहेक म्ह छम्हं च्याःगु खः ।
